ҚР Ұлттық академиялық кітапханада «Жанды кітап» жобасы аясында Астана қаласындағы №107 «Келешек» жалпы орта мектебінің директоры, «Педагог-шебер», «Ыбырай Алтынсарин» төсбелгісінің иегері Бейсенбина Айгүл Базарбайқызымен кездесу өтті.

Кездесуде ұлағатты ұстаз өзінің кәсіби жолы, білім беру саласындағы тәжірибесі мен жетістіктері туралы әңгімелеп, мұғалім мамандығының жауапкершілігі, жас ұрпақ тәрбиесі және шығармашылық ізденістің маңызы жөнінде ой бөлісті.

Сондай-ақ «100 күнде 100 өлең» республикалық байқауының жеңімпазы ретінде шығармашылық жолына да тоқталды. Ашық сұхбат барысында қатысушылар көкейдегі сұрақтарын қойып, мазмұнды әңгіме тыңдады.

Кездесуді журналист Ернат Мелсұлы жүргізді. Басқосуға оқырмандар, оқушылар, ұстаздар мен ата-аналар қатысты.