Ұлттық Академиялық кітапхана басшысы Ғазиза Құдайбергенқызы Қазақстан Республикасындағы ЮНЕСКО Бас хатшысы Әлия Байсабаевамен кездесті. Кездесуде "Память мира" комитетінің қызметі, оның одан әрі перспективалық дамуы, ЮНЕСКО жанындағы Дүниежүзілік деректі мұра тізіміне жаңа деректі материалдарды енгізу жоспарлары талқыланды.

Бүгінде Қазақстан Республикасынан ЮНЕСКО-ның Бүкіләлемдік мұраларының тізіміне 3 деректі мұра объектісі – Қожа Ахмет Ясауи мен оның шәкірттерінің қолжазбалары, "Невада-Семей" халықаралық антиядролық қозғалысының мұрағат материалдары, "Арал теңізінің мұрағат қорлары" кіреді.