29.09.2026, сағат 16.00

Оқиға қайдан бастау алады? Кейде олар белгілі бір жерге байланысты туады, кейде кейіпкерден, көзге түскен бір сәттен немесе жалғыз сөйлемнен өрбиді. Осы бір күндік жазушылық шеберханада біз бастапқы ойдың қалайша әдеби мәтінге айналатынын бірге зерттейміз.

• Оқырманды соңынан ерте алатын кейіпкер қалай суреттеледі?
• Белгілі бір орын қалайша тұтас көркем әлемге айналады?
• Атмосфераны қандай детальдар қалыптастырады және оқиға қалай өрбиді?

Шағын шығармашылық тапсырмалар мен таңдалған әдеби мәтіндерге сүйене отырып, біз көркем баяндаудың түрлі тәсілдерін қарастырамыз. Қатысушылар өз мәтіндерін жазып көріп, оларды ортаға салып оқиды және мәтінді әсерлі әрі нанымды ететін ерекшеліктер туралы бірге пікір алмасады.

Шеберхана әдеби мәтін жазуға қызығатын, тіл мен оқиға өнеріне ынтық немесе әдеби шығармашылықта өзін сынап көргісі келетін барша қауымға арналған. Арнайы дайындықтың немесе жазушылық тәжірибенің болуы міндетті емес.

Жазушы шеберханасына қатысып, неміс авторы Пьер Яраванмен жүздесіп, шығармашылық тәжірибе алмасыңыз!