Қазақстан Республикасы Ұлттық академиялық кітапханасында Oxford University Press баспасының өкілі Марчин Дембовскиймен кездесу өтті. Тараптар төрт жылдан бері жалғасып келе жатқан ынтымақтастықты талқылап, академиялық ресурстарды пайдалану мүмкіндіктерін кеңейту мәселелерін қарастырды.

Oxford University Press – ғылыми және білім беру басылымдарын шығаратын халықаралық баспа. Кітапхана оқырмандары оның Oxford Academic платформасы арқылы электрондық кітаптар мен ғылыми журналдарды пайдалана алады. Ал Grove Art Online ресурсы өнер тарихы, сәулет және өнер бағыттары бойынша ғылыми мақалалар мен анықтамалық материалдарға қол жеткізуге мүмкіндік береді.

Кездесу барысында тіл үйрену мен ғылыми жұмысқа қажетті Oxford Dictionaries Premium ресурсы да таныстырылды. Ол тоғыз тілдегі сөздіктерді, грамматика және тілдік нормалар бойынша анықтамалықтарды қамтиды.

Ынтымақтастықты одан әрі дамыту аясында кітапхана Oxford University Press баспасының бес ресурстық пакетіне жазылуды жоспарлап отыр. Сонымен қатар қолданыстағы ресурстарға қолжетімділікті қосымша үш айға ұзарту туралы ұсыныс айтылды