Қазақстан Республикасының Ұлттық академиялық кітапханасы өз оқырмандарына Қазақстан Республикасының Тәуелсіздігіне арналған «Тәуелсіз толғауы» атты кітап-иллюстрациялық көрмені ұсынады. 1991 жылғы 16 желтоқсанда жарияланған Тәуелсіздік - елдің қазіргі тарихындағы аса маңызды оқиғаға айналып, оның саяси, экономикалық және мәдени дамуының жаңа кезеңін ашты. Көрме оқырмандардың бойында патриоттық сезімді оятуға, азаматтық жауапкершілікті және мемлекеттің тарихи мұрасына деген құрметті қалыптастыруға бағытталған.

Көрмеде егемен Қазақстанның қалыптасу жолын және тәуелсіздік жылдарындағы жетістіктерін ашып көрсететін құжаттық және көркем материалдар ұсынылған. Егемендікке қол жеткізудің тарихи алғышарттарына ерекше назар аударған, соның ішінде 1990 жылғы 25 қазанда қабылданған Қазақ КСР-інің Мемлекеттік егемендігі туралы декларациясы тәуелсіздікке бастар маңызды құқықтық қадам ретінде көрсетілген.

Экспозицияда 1991 жылғы 16 желтоқсанда қабылданған «Қазақстан Республикасының мемлекеттік тәуелсіздігі туралы» Конституциялық заңға айрықша орын берілген. Бұл құжат ауқымды саяси және экономикалық өзгерістердің бастауына айналды. Тәуелсіздіктің алғашқы жылдарына қатысты материалдарды фотоқұжаттармен және архивтік дереккөздер толықтырды.

Сондай-ақ көрмеде егемендіктің негізі болып табылатын мемлекеттік рәміздерге — Қазақстан Республикасының Туы, Елтаңбасы және Әнұранының жасалу тарихына, олардың авторларына және ресми сипаттамаларына ерекше назар аударылған. Рәміздер арқылы халықтың тарихи мұрасы, мәдени дәстүрлері мен құндылықтары танытылады. Экспозицияда тәуелсіз мемлекеттің сыртқы саясаттағы негізгі қадамдары, соның ішінде Біріккен Ұлттар Ұйымына кіруі, ядролық қарусыздану саласындағы бастамалары, халықаралық жобалар мен ынтымақтастыққа қатысуы да қамтылған. Сонымен қатар тәуелсіз Қазақстанның әлеуметтік-экономикалық реформалары, елордасы Астананың дамуы, мәдени және спорт салаларындағы жетістіктері кеңінен көрсетілген.

    Көрме мемлекеттік рәміздерді пайдалану арқылы безендірілген және 1991 жылдан бүгінгі күнге дейінгі негізгі оқиғаларды қамтитын хронологиялық желімен, мемлекет қайраткерлерінің дәйексөздері, фотоматериалдар, бейнелі басылымдары, карталар және кітапхана қорындағы кітаптардан қойылды. Экспозиция кітапхана пайдаланушылары мен оқырмандарының кең ауқымына арналған және қазақстандық мемлекеттіліктің қалыптасу кезеңдерін дәйекті түрде таныстыруға, тәуелсіздік жылдарындағы жетістіктерді көрсетуге әрі ұлттық сананы нығайтуға бағытталған.

Көрме қорға осы тақырып бойынша жаңа басылымдар түскен сайын жаңартылып отырады.