Қазақстан Республикасы Ұлттық академиялық кітапханасында сыбайлас жемқорлық тәуекелдеріне ішкі талдау (СЖТІТ) мәселелері бойынша түсіндіру жиыны өтті.

Жиын барысында ғимаратты пайдалану және қызмет көрсету бөлімі жетекшісінің орынбасары Камаладдин Сүлейменов қызметкерлерге ішкі талдаудың мақсаты мен оны жүргізу тәртібі туралы кеңінен ақпарат берді.

Ал кітапхана директорының орынбасары Нұржан Жолдыбалинов сыбайлас жемқорлыққа қарсы заң талаптарын сақтау, қызметтік әдепті ұстану және жұмыс барысында ашықтық пен адалдық қағидаларын берік ұстанудың маңызын атап өтті.

Мұндай кездесулер ұжым арасында сыбайлас жемқорлыққа қарсы мәдениетті қалыптастырып, мекеме жұмысының ашық әрі тиімді болуына оң әсер етпек.