ҚР Ұлттық академиялық кітапханасында ақын, жазушы Әкім Ысқақ пен сазгер Мамырғали Байстың шығармашылығына арналған «Сөз бен саз» атты әдеби-музыкалық кеш ұйымдастырылды.

Бұл жоба – сөз бен саздың үйлесімін насихаттай отырып, жас ұрпақтың рухани-эстетикалық талғамын қалыптастыруға бағытталған маңызды мәдени бастама. Кеш барысында балалар әдебиеті мен балалар әнінің тәрбиелік мәні кеңінен сөз болып, ұлттық құндылықтарды дәріптеу мәселесі арқау болды.

Іс-шара аясында қос қаламгердің бірлесіп жазған балаларға арналған 15 жаңа әнінің тұсауы кесіліп, жас өнерпаздардың орындауында көрерменге жол тартты. Ән мәтіндері мен әуендерінің мазмұндылығы, тәрбиелік сипаты ерекше атап өтілді.

Кешке зиялы қауым өкілдері, мәдениет және өнер қайраткерлері, ұстаздар, ата-аналар мен оқушылар қатысып, жас таланттарға қолдау көрсетті.