Қазақстан Республикасы Ұлттық академиялық кітапханасында философия ғылымдарының докторы, профессор Төлеуғали Бөрібаевтың «Прававой менталитет: социально-философский анализ» атты кітабының таныстырылымы өтті.

Кездесу барысында автор еңбектің жазылу мақсаты мен өзектілігіне тоқталып, құқықтық менталитет ұғымының қоғам дамуындағы рөліне кеңінен түсінік берді.

Кітапта құқықтық сананың қалыптасуы, құқықтық мәдениет пен қоғамдық құндылықтардың арақатынасы, тұлға мен мемлекет арасындағы құқықтық байланыстардың әлеуметтік-философиялық қырлары жан-жақты талданады. Автор құқықтық менталитеттің тарихи, мәдени және рухани негіздерін саралай отырып, қазіргі қазақстандық қоғам жағдайындағы құқықтық жаңғыру мәселелерін ғылыми тұрғыдан пайымдайды.

Таныстырылым барысында қатысушылар еңбекке қатысты пікірлерін білдіріп, ғылыми тұжырымдардың маңыздылығын атап өтті. Сондай-ақ еңбектің заңгерлерге, философтарға, саясаттанушыларға және жалпы құқықтық мәдениетті дамытуға мүдделі оқырман қауымға арналғаны айтылды.