Қазақстан Республикасының Ұлттық академиялық кітапханасында «Отбасымен оқимыз» клубы аясында балалар жазушысы Сәбит Дүйсенбиевтің «Ана мейірі» әңгімесін талдау сағаты өтті.

Кездесу барысында жазушы Сәбит Дүйсенбиевтің өмірі мен шығармашылығына шолу жасалып, оның қазақ балалар әдебиетіне қосқан үлесі туралы мағлұмат берілді. Қатысушылар қаламгердің шығармашылық жолымен танысып, оның туындыларының тәрбиелік мәніне назар аударды.

Әдеби талдау сағатында «Ана мейірі» әңгімесінің мазмұны мен негізгі идеясы кеңінен талқыланды. Шығармада көрініс тапқан ана махаббаты, мейірімділік, адамгершілік, ата-ананы құрметтеу және отбасылық құндылықтар тақырыптары қатысушылардың ой-пікірлеріне арқау болды. Әңгімедегі тәрбиелік ойлар негізінде ана қадірін түсіну, ата-анаға құрмет көрсету және отбасы мүшелері арасындағы сыйластықтың маңызы туралы пікір алмасты.

Іс-шараға «Отбасымен оқимыз» жобасының қатысушылары, ата-аналар, ұстаздар, оқушылар және кітапхана оқырмандары қатысты.