Көрменің мақсаты: Ата-бабаларымыздың тәуелсіздік жолындағы батылдығының үлгісін көрсету және Қазақстанның тәуелсіз мемлекет ретінде қалыптасу тарихын қарастыру.

Көрме негізгі бес бөлімнен тұрды:

1. «Қазақ хандығы-Тәуелсіздік бастауы»

Бұл бөлімде алғашқы қазақ хандығының құрлуы туралы кітаптар, Керей, Жәнібек хандардан бастап Кенесары ханға дейінгі кезеңдегі хандар, батырлар, би-шешендер туралы кітаптар қойылды. Сол дәуідегі ұлы тұлғаларымыздың ел, жер туралы нахыл сөздері берілді.

2. «Тәуелсіздік жолындағы ұлт-азаттық көтеріліс»

ХVІІІ-ХХ ғасырларда қазақ даласында Ресей отаршылдарына қарсы бірнеше ірі-ірі ұлт-азаттық қозғалыстар болды. Қазақ халқының тәуелсіздік пен дербес даму жолында Сырым Датұлы, Исатай Тайманұлы мен Махамбет Өтемісұлының, Кенесары Қасымұлы бастаған көтерілістер маңызды орын алды. Көрменің бұл бөлімінде жоғарыдағы оқиғалар туралы деректер топтастырылды.

3. «Тәуелсіздік және Алаш»

Көрменің бұл бөлімінде Алаш арыстары Әлихан Бөкейханов, Ахмет Байтұрсынов, Міржақып Дулатов т.б жетекшілік еткен ұлт зиялылары жаңа өрлеу ала бастаған ұлт-азаттық қозғалысқа қатысты кітаптар, зерттеу еңбектері топтастырылды.

4. «Желтоқсан - Тәуелсіздіктің жаңғырығы»

Бұл бөлімде 1986 жылғы 16 желтоқсан оқиғасы және сол бейбіт шеруді қолдаған Қазақстанның әр өңіріндегі белсенділер туралы дерек кітаптар жинақталады.

5. «Тәуелсіздік таңы»

Көрменің бұл бөлімінде қазақ халқының ғасырлар бойы күткен тәуелсіздіктің 1991 жылы жариялануы жайлы кітаптар топтастырылды.