Кітапханада 9 мамыр - Ұлы жеңіс күніне орай «Ұлы Жеңіске тағзым» атты кітап көрмесі қойылды.

Көрменің мақсаты – оқырмандарға Ұлы Отан соғысы жылдарындағы халқымыздың ерлігі мен батырлығын насихаттау, майдангерлердің рухына тағзым ету, жас ұрпақты отансүйгіштікке тәрбиелеу.

Көрмеде Ұлы Отан соғысының маңызды оқиғалары туралы баяндайтын деректі, публицистикалық және көркем әдебиеттер ұсынылған.

Кітап көрмесіне Л. Ахметованың «1941 жыл. Брест қамалы. Қазақстан»,  Б.Жұмағалиевтің  «Қазақтар Ленинград майданында»,  В.Быковтың «Катюша»,  С. Бақбергеновтың «Белгісіз солдат», «Майдан жырлары»,  М.Ғабдуллиннің «Менің майдандас достарым», Ғ.Мүсіреповтің «Қазақ солдаты», Қ. Қайсеновтың «Жау тылындағы бала», Е. Елғонның «Жаһандық соғыстың ерлері»,  «Майдан жырлары», «Қаһарман қыз Хиуаз» және т.б. кітаптары қойылды.

 Көрмеден орын алған жауынгерлердің батырлықтарын айқындайтын әдеби шығармалар мен өлеңдер, Жеңіс туралы жазылған ғылыми еңбектер мен Ұлы Отан соғысына қатысқан ардагер ғалымдардың  естеліктеріне шолу жасалды.