Қазақстан Республикасының Қазақстан Республикасының Ұлттық академиялық кітапханасы үш тілде жарық көрген жаңа кітаппен толықты. Оқырман қауым арасында үлкен қызығушылық тудырған «Бақытты өмір» кітабы кітапханаға сыйға тартылды.

Кітаптың қазақ және орыс тілдеріндегі басылымын қоғам қайраткері, кәсіпкер, BI Group компаниясының негізін қалаушы Айдын Рахымбаев жұбайы Анар Рахымбаевамен бірге аударып, қазақ оқырмандарына ұсынған болатын. Еңбекте 1938 жылдан бері жүргізіліп келе жатқан әлемдегі ең ұзақ ғылыми зерттеу нәтижелері негізінде адам өміріндегі шынайы бақыттың мәні, табыс пен рухани қанағаттың арақатынасы кеңінен баяндалады.

Зерттеу Harvard University ғалымдары тарапынан жүргізілген. Алғашқы қатысушылардың қатарында АҚШ-тың 35-президенті John F. Kennedy де болған.

Кітапта байлық пен бақыттың арақатынасы, шынайы табыстың мәні, адами қарым-қатынастың өмір сапасына әсері туралы ғылыми тұжырымдар ұсынылады.

ҚР Ұлттық академиялық кітапханасының ұжымы Айдын Рахымбаевқа мазмұнды еңбекті кітапхана қорына тарту еткені үшін алғыс білдіреді.