ҚР Ұлттық академиялық кітапханасында «Қалам мен қоғам: Конституцияның жаңа жобасына қаламгерлердің көзқарасы қандай?» атты тақырыпта дөңгелек үстел өтті. Маңызды басқосуға Қазақстан Жазушылар одағы Басқармасының төрағасы Мереке Құлкенов төрағалық етті.

Жиын барысында елде жүріп жатқан саяси реформалар мен Конституцияның жаңа жобасы кеңінен талқыланып, қаламгерлер қоғамдағы өзгерістерге қатысты өз ой-пікірлерін ортаға салды. Сауытбек Абдрахманов, Шәрбану Бейсенова, Роза Мұқанова, Қуаныш Жиенбай, Есберген Алауханов, Камал Әлпейісова, Жолтай Әлмашұлы, Ұларбек Дәлей секілді белгілі жазушылар Ата Заңға қатысты ұсыныстарын білдіріп, рухани құндылықтар мен ұлттық мүдде жайында сөз қозғады.

Жиынға жазушылар мен қоғам қайраткерлері, сондай-ақ Қазақстан Жазушылар одағының мүшелері, кітапханашылар қатысты.