26 желтоқсан күні ҚР Ұлттық кітапханасында көрнекті қазақ ақыны, жазушы, драматург, жыршы-жырау Баянғали Әлімжановтың «Айкөлдің жолы» кітабының таныстырылымы өтті.

Шара барысында Манас Ұлттық театрының директоры Нұрбек Талантбековтың жинақ жөніндегі  бейнеролигі көрсетілді.

Әдеби іс-шараны ҚР Сенат депутаты Нұртөре Жүсіп жүргізді.

Таныстырылымда алғаш сөз алған автор кітап туралы толық түсіндіріп өтті. Еңбекте қырғыз бен қазақтың, Айкөл Манас пен Ер Көкшенің достығын, Тұранның тұтастығын, данышпан Қосай мен Бақай абыздардың ақыл ой биігін, Алмамбет, Шуақ, Сырғақ басқа да батырлардың ел қорғаған ерліктерін, бірлік пен алауыздықтың, адалдық пен сатқындықтың, елге арналған өмірдің мәнін жырланған.

Айтулы шараға зиялы қауым өкілдері, қоғам белсенділері, БАҚ өкілдері, оқырмандар қатысты.