Еуразия кеңістігіндегі ең ірі мәдени-ағартушылық шаралардың бірі – «ASTANA Eurasian Book Fair» IX Халықаралық кітап көрме-жәрмеңкесі өз жұмысын бастады. Аталған кәсіби алаңда Еуропа мен Азия елдерінің баспа үйлері, кітап саудасы ұйымдары, ғылыми-білім беру мекемелері мен полиграфиялық компаниялары бас қосты.

Жәрмеңке аясында Қазақстан Республикасы Мәдениет және ақпарат министрлігінің қолдауымен ҚР Ұлттық академиялық кітапханасы әлеуметтік маңызы бар әдебиет бағдарламасы аясында жарық көрген шығармалар көрмесін ұйымдастырды.

Көрмеге ұсынылған әдебиеттер салалық бағыттар бойынша топтастырылды:

• Ғылыми-көпшілік әдебиеттер
• Мәдениет және өнер туралы басылымдар
•  Балалар мен жасөспірімдерге арналған әдебиеттер
• Танымдық әдебиеттер
• Аударма шығармалар
• Атаулы күндер мен мерейтойларға арналған басылымдар
• Энциклопедиялық және анықтамалық әдебиеттер
• Фотоальбомдар мен кітап-альбомдар

Сонымен қатар, «ТМД елдерінің архивтеріндегі қазақстандық жазушылардың зерттеу жұмыстары» бағыты бойынша стратегиялық әріптестікті жүзеге асыру аясындағы жинақтар және ҚР Мәдениет және ақпарат министрлігінің «Жаңа Қазақстанның әдеби-танымдық панорамасы» жобасы шеңберіндегі басылымдар көпшілік назарына ұсынылды.