Кітапханада «2026 жылғы конституциялық реформа: саяси жүйені жаңғырту және жаңа құқықтық институттар» тақырыбында дөңгелек үстел өтті.

Іс-шараны Қазақстан Республикасы Әділет министрлігінің Заңнама және құқықтық ақпарат институты Қазақстан Республикасының Ұлттық академиялық кітапханасымен бірлесіп өткізді.

Дөңгелек үстел аясында сарапшылар, депутаттар және мемлекеттік органдардың басшылары конституциялық жаңашылдықтардың саяси жүйені жаңғыртумен өзара байланысын талқылады. Қатысушылар:

• Бір палаталы Парламент – Құрылтайға көшу;

• Қазақстан Халық Кеңесін құру;

• Вице-Президент институтын енгізу;

• Адам құқықтары мен бостандықтарының кепілдіктерін кеңейту мәселелерін қарастырды.

Талқылауға орталық мемлекеттік органдардың басшылары, Қазақстан Республикасы Парламентінің депутаттары, Конституциялық реформа жөніндегі комиссия мүшелері, сот жүйесінің өкілдері, Адам құқықтары жөніндегі уәкіл, сондай-ақ жетекші заңгер-ғалымдар мен ғылыми қауымдастық өкілдері қатысты.