«Балам тұлға болсын десеңіз...»
24 September 2026
«Балам тұлға болсын десеңіз...»
«Әке мен бала» клубының отырысы өтті
Бүгін Қазақстан Республикасы Ұлттық академиялық кітапханасында «Балам тұлға болсын десеңіз...» тақырыбында «Әке мен бала» клубының кезекті отырысы өтті.
Іс-шараның мақсаты – бала тәрбиесіндегі әкенің рөлін айқындау, әке мен бала арасындағы сенім мен өзара түсіністікті нығайту және отбасылық құндылықтарды дәріптеу.
Кездесуге Республикалық әкелер одағы қоғамдық бірлестігінің төрағасы – Айтмағанбет Мақсұтбек, кино және театр актері, тележүргізуші, Қазақстанның еңбек сіңірген қайраткері – Әділ Ахметов, Республикалық әкелер одағының өкілдері, қоғам қайраткерлері, ұстаздар, ата-аналар және Астана қаласының №80, №105 мектеп оқушылары қатысты.
Кездесу барысында әкенің бала тәрбиесіндегі орны, отбасындағы сыйластық пен жауапкершілік, балаға үлгі көрсетудің маңызы талқыланды. Сонымен қатар кітап оқудың баланың тұлғалық дамуы мен дүниетанымын қалыптастырудағы, ата-ана мен бала арасындағы рухани байланысты нығайтудағы рөлі сөз болды.
Жиын өзара пікір алмасу форматында өтіп, отбасы тәрбиесі мен әкелік жауапкершіліктің маңызын айқындаған мазмұнды кездесуге ұласты.
