Ұлттық академиялық кітапханада Пьер Яраванмен кездесу өтеді.
17 September 2026
29.09.2026, сағат: 14.00
Пьер Яраван - заманауи неміс әдебиетінің көрнекті өкілдерінің бірі. Көптеген әдеби сыйлықтарға ие болған романдарында ол жеке адам тағдырын болмыс, жады және түп тамыр-тек сияқты мәселелерімен шебер ұштастырады. Оның шығармалары оқырманды терең толғандырып, адам өмірі мен өзін-өзі тану жолы туралы жаңа пайымдарға жетелейді, адамның өмірдегі өз орнын іздеуіне жаңа қырынан қарауға мүмкіндік береді.
Астанадағы Ұлттық Академиялық кітапханада өтетін әдеби оқылым барысында Пьер Яраван өзінің «Ақырында қалатыны - балқарағай» (Am Ende bleiben die Zedern), «Хабарсыз кеткендерге арналған ән» (Ein Lied für die Vermissten) және «Айдағы әйел» (Frau im Mond) романдарынан шағын үзінділерді оқып, оқырмандар назарына ұсынады, шығармашылық жолы мен туындыларының дүниеге келу тарихы туралы әңгімелейді.
Әдеби кездесу барысында сіздерді қызықты сұхбат, сөз өнері туралы әсерлі ойлар және автормен жүздесу мүмкіндігі күтеді.
Оқылымнан кейін қатысушылар өз сұрақтарын қойып, Пьер Яраванмен еркін пікір алмаса алады.
Ұсынылған романдардан таңдалған үзінділермен алдын ала онлайн танысуға болады:
https://www.goethe.de/resources/files/pdf359/am-ende-bleiben-die-zedern-v5.pdf
https://www.goethe.de/resources/files/pdf359/ein-lied-fuer-die-vermissten-v5.pdf
https://www.goethe.de/resources/files/pdf359/frau-im-mond-v5.pdf
Сондай-ақ жазушының осы үш романынан шағын үзінділер қазақ тіліне аударылып, Adebiportal.kz әдеби порталында жарияланды.
Автордың тартымды әрі әсерлі көркем әлеміне бойлаудың бірегей мүмкіндігін жіберіп алмаңыз.