«Мемлекеттік рәміздер – Тәуелсіздіктің нышаны» атты кітап көрмесі
04 June 2026
«Мемлекеттік рәміздер – Тәуелсіздіктің нышаны» атты кітап көрмесі
2026 жылғы 4 маусым күні Астана қаласындағы Ұлттық академиялық кітапханада Қазақстан Республикасының Мемлекеттік рәміздер күніне орай «Мемлекеттік рәміздер – Тәуелсіздіктің нышаны» атты кітап көрмесі ұйымдастырылды.
Аталған көрменің мақсаты – мемлекеттік рәміздердің тарихи маңызы мен тағылымдық мәнін насихаттау, отансүйгіштік рухты нығайту, ұлттық құндылықтарды дәріптеу.
Көрмеге Ж.Мәлібекұлының «Қазақстан Елтаңбасы. Герб Казахстана. State Emblem of Kazakһstan», С.Трофимованың «Қазақстан тәуелсіздігінің рәміздері», «Елтаным», Ы.Сағынтаевтың «Қазақстан Республикасының рәміздері», Қазақстан Республикасының мемлекеттік рәміздері тәуелсіздік нышандары», Е.Шаймерденовтың «Қазақ елінің рәміздері» «Қазақстан Республикасы Мемлекеттік рәміздерінің қалыптасу тарихы» т.б. мемлекеттік рәміздердің тарихы мен маңызы жайлы, егемендікті еншілегенге дейінгі еліміздегі тарихи рәміздер туралы материалдар ұсынылды.
Сонымен қатар QR-кодтарды сканерлеу арқылы оқырмандар Қазақстан Республикасының Мемлекеттік Туы, Мемлекеттік Елтаңбасы және Мемлекеттік Әнұранының шығу тарихы, олардың авторлары, рәміздердің әрбір элементінің мағынасы мен мазмұны жөніндегі танымдық материалдарға қол жеткізіп, мемлекеттік рәміздердің авторлары, олардың идеялық мазмұны мен көркемдік ерекшеліктері туралы тың мәліметтермен танысты.
