«BookCrossing» кітап алмасу акциясы өтті
19 April 2026
Қазақстан Республикасы Мәдениет және ақпарат министрлігі мен Астана қаласы Есіл аудандық әкімдігі қолдауымен, Қазақстан Республикасының Ұлттық академиялық кітапханасы ұйымдастыруымен елордада «BookCrossing» кітап алмасу акциясы өтті.
Ұлттық кітап күні апталығы аясында өткізілген шараның негізгі мақсаты – қоғамда кітап оқу мәдениетін кеңінен насихаттау, оқырмандар арасындағы рухани байланысты нығайту және кітапқа деген қызығушылықты арттыру.
Акция Нұржол бульвары алаңында ашық форматта ұйымдастырылды. Іс-шара барысында қатысушылар өздері оқыған кітаптарын өзге оқырмандарға ұсынып, орнына таңдаған туындысын алды.
Шара аясында келушілерге көтеріңкі көңіл күй сыйланып, мәдени ортада еркін қарым-қатынас орнатуға мүмкіндік жасалды
Жобаны жүзеге асыруға «Ozgerbook», «Kitapshar», «Alqa» кітап клубтары мен «Думан» еріктілер тобы белсенді атсалысты. Ұйымдастырушылар серіктестерге қолдау көрсеткені үшін алғыс білдіреді.
Іс-шараға 3000-ға жуық астаналық қатысты.
