Қазақстан Республикасы Ұлттық академиялық кітапханасында Mikro Information және iGroup халықаралық компанияларының өкілдерімен кездесу өтті.

Кездесуге iGroup компаниясының арнайы жобалар жөніндегі менеджері Си Диу Сенг, Mikro Information компаниясының басқарушы директоры Хасеки Джан, Орталық Азия бойынша сервистік маманы Асель Қалқан Жарасова және өңірлік консультанты Дәметкен Құжикова қатысты.

Компания өкілдері академиялық кітапханаларға арналған цифрлық платформалар мен жасанды интеллект негізіндегі зерттеу құралдарын таныстырып, электрондық кітаптар мен ғылыми ресурстардың мүмкіндіктері туралы айтты.

Кездесу қорытындысы бойынша компания өкілдері кітапханаға ғылыми дерекқорлар мен цифрлық ресурстарды пайдаланып көру үшін тестілік қолжетімділік (сынақ мерзіміне қолжетімділік) ұсынуға дайын екендіктерін білдірді. Бұл кітапхана оқырмандарына халықаралық ғылыми ақпараттық ресурстардың мүмкіндіктерімен танысуға жол ашады.