Өткен сенбіде ҚР Ұлттық академиялық кітапханасында «Алматы–Қазақстан Үнді классикалық билері және йога орталығының» 20 жылдығына орай «Үнді классикалық билері: әдебиет пен би үндестігі» атты мерекелік концерт өтті.

Қазақстанның еңбек сіңірген қайраткері Ақмарал Қайназарованың жетекшілігіндегі би труппасы көрермендерге үнді классикалық би өнерінің бай дәстүрін таныстырып, үнді әдебиеті негізінде қойылған хореографиялық композицияларды ұсынды.

Мерекелік кеш әдебиет пен би өнерінің үндестігін дәріптеп, Қазақстан мен Үндістан арасындағы мәдени байланыстарды нығайтуға және үнді мәдени мұрасын кеңінен насихаттауға арналды.