Қазақстан Республикасы Ұлттық академиялық кітапханасының балалар әдебиеті залында «Creative Art Club» балалар шығармашылығы клубы аясында  «Күзгі пейзаж» сурет салу сағаты өтті.

Сурет салу сағаты барысында қатысушылар күз мезгілінің ерекшеліктерімен танысып, табиғат көріністерін өз қиялдары арқылы қағаз бетіне бейнеледі. Балалар күзгі табиғатқа тән алуан түстерді пайдалана отырып, шығармашылық жұмыстарын орындады.

Іс-шара балалардың көркемдік ойлау қабілетін жетілдіруге, шығармашылық ізденісін арттыруға, табиғатты сүюге және қоршаған ортаны эстетикалық тұрғыдан қабылдауына ықпал етті. Шара соңында қатысушылардың шығармашылық жұмыстары таныстырылып, балалар өз туындылары туралы ой-пікірлерімен бөлісті.