Қазақстан Республикасының Ұлттық академиялық кітапханасында «Kitap Time – 2026» V жалпы республикалық кітап фестивалі аясында Қазақстандағы Отбасы күніне орай «Отбасымен оқимыз» клубының отырысы өтті.

Іс-шараға клубтың тұрақты қатысушылары Рахметолла, Ерғалиевтер, Жасқайрат, сондай-ақ Нысанбай, Мәулен, Аяған және Сержандар отбасылары кездесуге белсенді қатысты.

Шара барысында клубқа қатысушы отбасылар балаларымен бірге оқыған, өздеріне ерекше әсер қалдырған сүйікті шығармалары туралы әңгімелеп, кітаптан алған әсерлерімен бөлісті. Сонымен қатар, әрбір отбасы мүшелері баланы кітап оқуға баулудағы ата-ананың рөлі, отбасындағы кітап оқу мәдениеті және бірге кітап оқу - бала мен ата-ана арасындағы рухани байланысты нығайтатыны туралы ойларын ортаға салды. Кездесу жылы әрі еркін пікір алмасу форматында өтіп, қатысушылар үшін мазмұнды отбасылық оқу алаңына айналды.