«Kitap Time – 2026» V республикалық кітап фестивалі аясында ҚР Ұлттық академиялық кітапханасжасөспірімдерге арналған жаңа оқу залы ашылды.

Жаңа зал жасөспірімдердің кітап оқуға қызығушылығын арттыруға, білім алуы мен шығармашылық дамуына қолайлы заманауи орта қалыптастыруға бағытталған.

Оқу залында көркем әдебиетпен қатар комикстер, қазақ және әлем халықтарының ертегілері, шетел авторларының шығармалары, жаратылыстану және қоғамдық ғылымдарға арналған басылымдар ұсынылған.

Жобаны жүзеге асыруға қолдау көрсеткен «Aq Niet Group» компаниялар тобының және «Меломан – Marwin» дүкендер желісінің үлесі ерекше. Ынтымақтастық аясында кітапхана қорына 1000-нан астам жаңа басылым сыйға тартылды.