ҚР Ұлттық академиялық кітапханасында этнограф-ғалым, мемлекет және қоғам қайраткері Өзбекәлі Жәнібековтің туғанына 95 жыл толуына орай кітап көрмесі ұйымдастырылды.

Көрменің мақсаты – ұлт мәдениеті мен руханиятының дамуына өлшеусіз үлес қосқан тұлғаның өмірі мен еңбегін оқырманға таныстыру.

Өзбекәлі Жәнібеков қазақтың салт-дәстүрі мен ұлттық өнерін жаңғыртуға, тарихи-мәдени мұраларды сақтауға, ұлт зиялыларының есімдерін қайта жаңғыртуға айрықша еңбек сіңірді.

Көрмеге  Өзбекәлі Жәнібековтің қазақ мәдениеті, тарихы, этнографиясы мен ұлттық қолөнерін жаңғыртуға арналған  «Қазақ ұлттық қолөнерiнiң мәдениетi», «Эхо…», «Тағдыр тағылымы», «Жаңғырық», «Жолайырықта», «Қазақ  киімі», «Ежелгi Отырар» «Уақыт  керуені», «Таңдамалы шығармалар жинағы», «Алды-артыма қарайлап өмір кештім» және т.б. кітаптары, мақалалары қойылды.