Қазақстан Республикасы Ұлттық академиялық кітапханасында балалардың жазғы демалысын мазмұнды өткізу мақсатында «Ертегі сыр шертеді» атты ертегітерапия сағаты өтті.

Шара барысында балалар «Достық» ертегісін оқып, оның тәрбиелік мәнін бірге талқылады. Ертегі арқылы олар достықтың, мейірімділік пен сыйластықтың, қамқорлық пен адалдықтың маңызын тереңірек түсінді.

Іс-шараның мақсаты – жас оқырмандардың кітап оқуға қызығушылығын арттырып, халық ауыз әдебиетінің құндылықтарын насихаттау және балалардың рухани-адамгершілік тәрбиесіне үлес қосу.

Шараны қазақ радиосының ардагері Күләш Кәйланқызы жүргізді.