Астана қаласындағы Ұлттық академиялық кітапханада мемлекет және қоғам қайраткері, филология ғылымдарының докторы, әдебиеттанушы, профессор Мырзатай Жолдасбековке арналған тағылымды шығармашылық кездесу өтті.

Іс-шара барысында Қазақстан Республикасы Премьер-министрінің орынбасары – Мәдениет және ақпарат министрі Аида Балаеваның және Түркі академиясының президенті Шахин Мұстафаевтың құттықтау хаты оқылды. Құттықтауда Мырзатай Жолдасбековтің ұлттық руханиятты дамытудағы, әдебиет пен ғылымға қосқан өлшеусіз үлесі  аталып өткен.

Кездесуде зиялы қауым өкілдері сөз сөйлеп, ғалымның ғылыми-шығармашылық мұрасы мен қоғамдық қызметіне жоғары баға берді.

Іс-шараға мемлекет және қоғам қайраткерлері, жазушылар, зиялы қауым өкілдері мен кітапхана оқырмандары қатысты.