Шарада ақынның ұлы, жазушы, сыншы, «Айбоз – 2025» ұлттық әдеби сыйлығының лауреаты Амангелді Кеңшілікұлы қаламгшердің мерейтойы аясында республика көлемінде өтіп жатқан мәдени шараларға тоқталды. Жиналғандар экраннан ақынның алтын қордағы өз дауысымен оқылған өлеңін тыңдады.

Кешті ақын, Қазақстан Жазушылар одағы Астана қалалық филиалының төрағасы Бауыржан Бабажанұлы жүргізді.

Шара аясында ақын шығармашылығына арналған үш кітаптың тұсауы кесіліп, оқырманға таныстырылды.

«Менің мұңым – махаббат» жыр жинағына әр жылдары жарық көрген және бұрын жарияланбаған өлеңдері енгізілсе, «Дәуір – дастан» жинағына Отан, заман, өмір мен адамзат туралы толғамды жырлары топтастырылған. Сонымен қатар, «Қайран Кеңшілік!» атты жинақта ақын туралы сын мақалалар, естеліктер, эсселер мен арнау өлеңдер қамтылған.

Кеш барысында сөз алған ақынның досы, ақын, Халықаралық «Алаш» сыйлығының иегері Серік Тұрғынбекұлы Кеңшілік Мырзабековтің шығармашылық болмысы мен азаматтық тұлғасы туралы естеліктерімен бөлісті. Ақынның жары Зинура Ыбырайымқызы ұйымдастырушыларға алғысын білдірді.

ТҮРКСОЙ халықаралық ұйымының Бас хатшысы Сұлтан Раевт лебізін жолдап, Қазақстан Республикасы Президентінің кеңесшісі, ҚР ҰҒА академигі Бауыржан Омаров, ақын, ҚР Абай атындағы Мемлекеттік сыйлығының лауреаты Ғалым Жайлыбай және өзге де зиялы қауым өкілдері қазақ әдебиетінде өшпес із қалдырған ақынның мол мұрасы туралы ой бөлісті.

Әдеби кешке қоғам және мемлекет қайраткерлері, ақын-жазушылар, зиялы қауым өкілдері, журналистер мен оқырмандар қатысты ұйымдастырылып жатқан елдегі шараларға тоқталды, жиналғанда ақынның өзі оқыған өлеңдерін экраннан тыңдады.