ҚР Ұлттық академиялық кітапханасында көрнекті ақын, мемлекет және қоғам қайраткері Олжас Сүлейменовтің 90 жылдық мерейтойына арналған

«Олжас Сүлейменов – әлемдік тұлға» атты кітап көрмесі ұйымдастырылды.

Көрмеге қаламгердің «Аз и Я», «Азия алаулары», «Таңбалар тілі», «Преодоление», «Стихи разных лет», «Литература — это жизнь», «Айналайын», «Глиняная книга», «Трансформация огня» және басқа да еңбектері қойылды. Жалпы көрмеге 50-ден аса кітап пен құжат ұсынылды.

QR-қосымша арқылы және Kazneb (Қазақстанның Ұлттық электронды кітапханасы) платформасы арқылы оқырмандар ақынның әдеби мұрасымен, тіл білімі мен тарихқа қатысты зерттеулерімен кеңінен таныса алады.

Бүгін Қазақстанның Халық жазушысы, Еңбек Ері Олжас Сүлейменов 90 жасқа толып отыр.

Олжас Сүлейменов – әдебиет, тарих, мәдениет пен азаматтық жауапкершілікті тоғыстырған бірегей тұлға. Оның шығармалары ұлт руханиятының дамуына қызмет етіп, бүгінгі ұрпаққа ой салатын құндылығымен ерекшеленеді.