2026 жылғы 22–26 сәуір аралығында Astana Eurasian Book Fair IX Халықаралық кітап көрме-жәрмеңкесі аясында Қазақстан Республикасының Ұлттық академиялық кітапханасы қоры жаңа басылымдармен толықты.

Көрме-жәрмеңке барысында кітапхана қорына баспалар мен жеке авторлардан өтеусіз негізде 340 дана кітап қабылданды.

Қорға келіп түскен басылымдар мазмұны жағынан алуан түрлі. Атап айтқанда:

* заманауи және классикалық көркем әдебиет;

* тарих және мәдениет бағытындағы зерттеулер;

* ғылыми және ғылыми-көпшілік басылымдар;

* әдебиеттану, өнер саласындағы еңбектер;

* оқу-әдістемелік әдебиеттер;

* өлкетану және анықтамалық материалдар;

* балалар мен жасөспірімдерге арналған әдебиеттер;

* сондай-ақ журналдар мен өзге де басылымдар.

Еңбектер Қазақстан, Ресей, Түркия, Әзірбайжан, Моңғолия және Португалия баспа ұйымдары мен мәдени мекемелерінен келіп түсті.