2026 жылғы 25 сәуір күні Astana Eurasian Book Fair 2026 халықаралық кітап көрмесі аясында жас авторлар - ағайынды Арлан және Аслан Айткалиевтердің «Гарольд  және ЛараБелль. Кітаптар патшалығы» (Harold and LaraBelle. The Kingdom of Books) атты кітабының таныстырылымы өтті.

Іс - шараға Ұлттық Сауаттылық қауымдастығының жетекшісі, "Кел, балалар, оқылық!" журналының редакторы, "Оқу мен жазу арқылы сыни ойлауды дамыту" жобасының тренері  Рахымбаева Майра Рахымбайкызы модераторлық етті.

Шара барысында жас авторлар кітаптың жазылу тарихы, оның идеясы мен мақсаттары туралы айтып, қатысушылардың сұрақтарына жауап берді.

Шығарма мейірімділік, білімге ұмтылу және кітап оқуға деген сүйіспеншілік сияқты маңызды құндылықтарға арналған.

Кітаптың тұсауын ақын, жырау, манасшы,балалар жазушысы  Баянғали Әлімжанов кесіп, жастарға ақ батасын берді.

Шара соңында көрермендер арасында қызықты ойындар ойнатылып, кез келген тақырыпта шағын әңгіме жазылып, жеңімпаздарға сыйлықтар табыс етілді.