ҚР Ұлттық академиялық кітапханасы «Мата мен қағаз: комбинацияланған кітап түптеу шеберлігі» Ұлттық кітап апталығы аясында шеберлік сағаты өтті.

Шара кітап апталығы аясындағы  «Кітап. Тарих. Шежіре» тақырыбына негізделді.

Шеберлік сағаты кітаптың мазмұнын ғана емес, оның материалдық құндылығы мен сақталу өнерін дәріптеуге бағытталған.

Іс-шараның негізгі мақсаты - қоғамда кітап оқу мәдениетін қалыптастыру және кітапқа деген ұқыптылықты арттыру, кітап түптеудің көне әрі заманауи технологияларын таныстыру, жас буынға кітаптың тарихи жәдігер ретіндегі маңызын ұғындыру.

Бағдарламада – шеберлік сағаты барысында мамандар мен реставраторлар мата мен қағазды ұштастыра отырып, кітапты қалай сапалы әрі эстетикалық тұрғыдан көркем түптеуге болатынын іс жүзінде көрсетті. Қатысушылар кітап мұқабасын жасаудың қыр-сырын меңгеріп, «қолөнер мен білімнің» үндестігіне куә болды.

Айтулы іс-шараға ҚР Қолжазбалар мен сирек кітаптар ұлттық орталығының «Реставрация және концервация» бөлімінің бас сапапшысы Жансерік Бейсенқұлов пен суретші-реставратор Саджида Серікбай  шақырылды. Тәжірибелі реставраторлар кітапты қалпына келтіру мен түптеудің кәсіби әдіс-тәсілдерімен бөлісті.