ҚР Ұлттық академиялық кітапхана директоры К. Сейітова мен А.Байтұрсынов атындағы Тіл білімі институты директоры А. Фазылжанова арасындағы ресми кездесуде екі ұйымның ынтымақтастық нәтижелері қаралды.

2024 жылы қол қойылған меморандум аясында институттың ғылыми еңбектері «ҚазҰЭК» электрондық каталогына енгізіліп, оқырманға қолжетімді болды. Сонымен қатар, тіл білімі мен әдебиеттану салаларындағы сирек кітаптар мен қолжазбаларды алмасу мәселелері бойынша нақты шешімдер қабылданды.

Бұл кездесу Ұлттық академиялық кітапхана мен Тіл білімі институты арасындағы ғылыми және ақпараттық байланыстарды одан әрі нығайтуға бағытталған.