Қазақстан Республикасының Ұлттық академиялық кітапханасы электронды ресурстар залының (305-кабинет) компьютерлік жабдықтары жаңартылды.

Материалдық-техникалық базаны жаңғырту аясында өнімділігі жоғары, тұрақты жұмыс істейтін және пайдаланушыларға қолайлы жаңа заманауи компьютерлер орнатылды. Жұмыс орындары арқылы кітапхананың электронды каталогы, отандық және шетелдік дерекқорлары, цифрлық коллекциялары, білім беру және ғылыми ресурстарымен жұмыс істеуге қолайлы.

Кітапхана пайдаланушыларын электронды ресурстар залының жаңартылған инфрақұрылымының мүмкіндіктерін пайдалануға шақырамыз.