2026 жылы Қазақстан Республикасы Ұлттық академиялық кітапханасында қазақ поэзиясының көрнекті өкілі Мұқағали Мақатаевтың туғанына 95 жыл толуына орай «Есіңе мені алғайсың» атты әдеби-сазды кеш ұйымдастырылды.

Шараның басты мақсаты – ақынның бай әдеби мұрасын кеңінен насихаттау, оқырмандарды көркем сөзді қадірлеуге баулу, жастардың шығармашылық әлеуетін арттыру және рухани-танымдық орта қалыптастыру.

Кеш барысында ақын өлеңдері оқылып, әнге айналған шығармалары орындалды. Қатысушылар Мұқағали жырларынан рухани әсер алып, поэзия әлеміне терең бойлады.

Кітапханада ақынның өмірі мен шығармашылығына арналған арнайы көрме ұйымдастырылған. Көрмеге ақынның жыр жинақтары, зерттеу еңбектері, естелік кітаптар мен сирек басылымдар қойылған.

Әдеби-сазды кешті Қазақстанның еңбек сіңірген қайраткері, ақын, әнші-композитор Елена Әбдіхалықова жүргізді.

Шараға ақындар, қоғам қайраткерлері, журналистер, БАҚ өкілдері, студенттер мен шығармашыл жастар қатысып, қазақ поэзиясының асқақ рухына тағзым етті.