ҚР Ұлттық академиялық кітапханасы мен «Амангелді Иман» қоғамдық қорының ұйымдастыруымен жазушы, ақын Сайлау Байбосынның «Ажалын жоғалтқан адам» атты жаңа кітабының тұсаукесері өтті.

Аталған роман — қазақ әдебиетіндегі сирек кездесетін детектив жанрындағы ерекше туынды. Шығармада автор бір адамның тағдыры арқылы адамзатқа ортақ мәңгілік құндылықтарды — адалдық пен сатқындықты, мейірім мен қатыгездікті, махаббат пен төзімділікті тереңнен ашады.

Шараға зиялы қауым өкілдері, қаламгерлер, журналистер мен оқырмандар қатысты. Тұсаукесер барысында қатысушылар жаңа туындының мазмұнына, идеялық-көркемдік ерекшелігіне тоқталып, автордың шығармашылық қолтаңбасына жоғары баға берді.