Конституцияның жаңа жобасы талқыланды

ҚР Ұлттық академиялық кітапханасында мәдени қауымдастық өкілдерінің қатысуымен Конституцияның жаңа жобасы талқыланды. Басқосу жаңартылған Заңның негізгі ережелерін қамтыған маңызды қоғамдық диалог алаңына айналды.

Іс-шараға мәдениет және ақпарат вице-министрі Айбек Сыдықов, мәдениет, архив, өнер және білім беру саласының басшылары мен мамандары, сондай-ақ кітапханашылар қатысты. Кездесу барысында азаматтардың құқықтары мен бостандықтарын қорғау, тарихи-мәдени мұраны сақтау, қоғамның рухани құндылықтарын нығайтуға бағытталған конституциялық өзгерістер кеңінен сөз болды.

Жиында қоғамдық сананы қалыптастырудағы, азаматтық жауапкершілікті арттырудағы және ұлттық бірегейлікті бекемдеудегі кітапхана мен мәдени-гуманитарлық саланың рөлі ерекше атап өтілді.