Сыбайлас жемқорлықтың алдын алу бойынша түсіндіру жұмыстары жүргізілді
03 апреля 2026
ҚР Ұлттық академиялық кітапханада сыбайлас жемқорлықтың алдын алу мақсатында түсіндіру жұмыстары жүргізілді.
Іс-шара барысында қызметкерлерге Қазақстан Республикасының сыбайлас жемқорлыққа қарсы заңнамасының негізгі талаптары түсіндіріліп, сыбайлас жемқорлық тәуекелдерінің алдын алу мәселелері қарастырылды.
Атап айтқанда, қызметтік міндеттерді орындау кезінде сыйлықтарды қабылдауға жол бермеу, мүдделер қақтығысын болдырмау, қызметтік ақпаратты заңсыз пайдалануға тыйым салу және қызметтік ресурстарды тек жұмыс мақсатында пайдалану қажеттігі атап өтілді.
Сонымен қатар, кітапханада сыбайлас жемқорлық тәуекелдеріне ішкі талдау (ВАКР) жүргізу бойынша жұмыстардың басталғаны және осы бағыттағы іс-шаралардың кезең-кезеңімен жүзеге асырылатыны туралы ақпарат берілді.
Іс-шара қорытындысында қызметкерлерге сыбайлас жемқорлықтың алдын алу және заң талаптарын сақтау бойынша түсіндіру жұмыстары тұрақты түрде жүргізілетіні айтылды.
