Қос газеттің 35 жылдығына арналған кітаптардың таныстырылымы

Қос газеттің 35 жылдығына арналған кітаптардың таныстырылымы

Кітапханада елорда тарихын бедерлеген «Elorda Aqparat» медиасеріктестігіне қарасты «Астана ақшамы» және «Вечерняя Астана» газеттерінің 35 жылдығына арналған «Елорда шежіресі» және «В ритме столицы» кітаптарының тұсаукесері өтті..

Аталған басылымдарда елорданың алғашқы қалыптасу кезеңінен бастап бүгінгі күнге дейінгі қоғамдық-саяси, әлеуметтік және мәдени өмірі қамтылған. Кітап беттерінде Астананың даму жолы, уақыт тынысын айшықтаған тарихи оқиғалар, қоғам өміріне ықпал еткен тұлғалар мен маңызды кезеңдер газет шежіресі арқылы жүйеленіп берілген.

Бұл жинақтар – елорданың тарихын ресми дерекпен ғана емес, шынайы журналистік көзқарас арқылы сөйлеткен деректі жылнама.

Салтанатты жиынның модераторы — Қазақстан Республикасы Парламенті Сенатының депутаты Бибігүл Жексенбай. Іс-шараға мемлекет және қоғам қайраткерлері, белгілі қаламгерлер мен медиасала өкілдері қатысты.

Аталған кітаптар елорда тарихына, отандық журналистика саласына және тәуелсіз Қазақстан шежіресіне қызығушылық танытатын оқырман қауымға арналған.