Қазақстан Республикасы Ұлттық академиялық кітапханасының М.Мақатаев залында көрнекті балалар ақыны, Қазақстанның халық жазушысы, мемлекеттік сыйлықтың лауреаты Мұзафар Әлімбаевтың туғанына 100 жыл толуына арналған «Балажан қаламгер» атты әдеби кеш өтті.
12 октября 2023
Қазақстан Республикасы Ұлттық академиялық кітапханасының М.Мақатаев залында көрнекті балалар ақыны, Қазақстанның халық жазушысы, мемлекеттік сыйлықтың лауреаты Мұзафар Әлімбаевтың туғанына 100 жыл толуына арналған «Балажан қаламгер» атты әдеби кеш өтті.
Кеш барысында Мұзафар Әлімбаевтың шығармашылық мұрасы дәріптеліп, көркемдік ерекшеліктері мен қазақ балалар поэзиясына жаңа жанрларды енгізудегі шеберлігі сөз болды. Кеш қонақтары қаламгер жайлы әзірленген бейне сюжетті тамашалады.
Әдеби шарада ақын, жазушы, манасшы, Қазақстан Республикасының еңбек сіңірген қайраткері – Б. Әлімжанов, Қазақ радиосының ардагер дикторы – К. Кәйләнқызы бала жанының бағбаны Мұзағаң туралы естеліктерімен бөлісті. Балалар жазушылары – М. Жылқыбай, А. Кәріпбаева М.Әлімбаевтың шығармашылығына шолу жасады.
Ақынның екі жүзге жуық лирикалық ән өлеңдері көптеген қазақ композиторларының шығармашылығына арқау болған. Қазақ эстрадасының жарық жұлдызы З. Омарова, Президент оркестрінің жетекші әншісі С. Байжумановалар ақынның сөзіне жазылған әндерді кітапхана сахнасында орындап, көпшіліктің ықыласына бөленді.
№38,52,66,74, «Қызылжар» ауылдық орта мектеп оқушылары балажан қаламгердің өлеңдерін, қанатты сөздері мен жаңылтпаштарын жатқа оқыды. Әдеби кешке кітапхана оқырмандары , ұстаздар және зиялы қауым өкілдері қатысты.
