Кітапханамызда жазушы, драматург Сая Қасымбектің «Көк бөрілері» атты кітабының тұсаукесері өтті.

Бұл кітапта белгілі жазушы-драматург Сая Қасымбектің үш бөлімнен тұратын тарихи романында Алтай тауын мекендеген ертедегі түркі тайпаларының тарихы, әскери өнері мен тұрмыс-тіршілігі, дүниетанымы, әдет-ғұрпы көркем сипатталады. Түркі әлемінің адамзат мәдениетіне, әлемдік өркениетке қосқан зор үлесі – ұсталық өнер жайлы, осы өңірде металлургия ошағының қалай пайда болғаны жөнінде қызықты әңгімеленеді. Бүгінгі қазақ халқының этногенезін құрайтын түркі тайпаларының тағдыр-талайы туралы бұл кітаптың танымдық, тағылымдық мәні зор. Кітаптың тілі жатық, көркем.

Кітап көпшілік оқырман қауымға арналған.