Неміс жазушысы Пьер Яраванмен әдеби кездесу өтті
30 Qyrkúıek 2026
Неміс жазушысы Пьер Яраванмен әдеби кездесу өтті
Қазақстан Республикасы Ұлттық академиялық кітапханасында белгілі неміс жазушысы Пьер Яраванмен әдеби кездесу және шығармашылық жазу шеберханасы өтті.
Әдеби кездесуге кітапхана оқырмандары, ақын-жазушылар, әдебиет сүйер қауым және шығармашылық орта өкілдері қатысты.
Кездесу барысында Пьер Яраван өзінің «Ақырында балқарағайлар ғана қалады» (Am Ende bleiben die Zedern), «Із-түссіз жоғалғандарға арналған ән» (Ein Lied für die Vermissten), «Айдағы әйел» (Frau im Mond) романдары туралы әңгімелеп, шығармаларының жазылу тарихы, әдеби ізденістері мен шығармашылық үдерісімен бөлісті. Жазушы өз кітаптарынан үзінділер оқып, қатысушылардың сұрақтарына жауап берді.
Кездесуден кейін шығармашылық жазу шеберханасы ұйымдастырылды. Шеберхана барысында қатысушылар сюжеттік желі құру, кейіпкер бейнесін ашу, көркем кеңістік пен атмосфера қалыптастырудың тәсілдерімен танысып, практикалық тапсырмалар орындады.
Еркін пікір алмасу форматында өткен шара қатысушыларға заманауи неміс әдебиетімен жақынырақ танысып, жазушылық шеберліктің қыр-сырын тәжірибе жүзінде меңгеруге мүмкіндік берді.
