«БІР ЕЛ – БІР КІТАП – 2026»: «ТАҒДЫР» РОМАНЫ ТАЛҚЫЛАНДЫ
29 Qyrkúıek 2026
«БІР ЕЛ – БІР КІТАП – 2026»: «ТАҒДЫР» РОМАНЫ ТАЛҚЫЛАНДЫ
Қазақстан Республикасы Ұлттық академиялық кітапханасында «Бір ел – бір кітап – 2026» республикалық акциясы аясында Қазақстанның халық жазушысы Қабдеш Жұмаділовтің «Тағдыр» романына арналған талдау сағаты өтті.
«Тағдыр» – қазақ халқының тарихындағы күрделі кезеңді арқау еткен тарихи роман. Шығармада Ресей және Цин империяларының шекара белгілеуі салдарынан ел мен жердің бөлінуі, ата қоныстың тағдыры, халықтың басынан өткерген тарихи қасіреті суреттеледі.
Талдау барысында жазушының өмірі мен шығармашылығы, қазақ әдебиетіндегі орны, тарихи шығармаларының ұлттық сананы жаңғыртудағы маңызы туралы сөз қозғалды.
Іс-шараны Қазақстан Журналистер одағының мүшесі, үздік педагог, ақын Шолпан Жібекәлиқызы Балманова жүргізді.
Талдау сағатына Сәкен Сейфуллин атындағы Қазақ агротехникалық зерттеу университетінің білім алушылары қатысты.
