«Оқитын ұрпақ: жаңа оқырманды қалыптастырудың заманауи жолдары»
11 Qyrkúıek 2026
ҚР Ұлттық академиялық кітапханасында «Kitap Time – 2026» V жалпы республикалық кітап фестивалі аясында «Оқитын ұрпақ: жаңа оқырманды қалыптастырудың заманауи жолдары» атты халықаралық дөңгелек үстел өтті.
Кәсіби алаңға Қазақстан, Ресей, Беларусь, Өзбекстан, Қырғызстан және Татарстаннан кітапхана саласының жетекші мамандары қатысып, балалар мен жасөспірімдердің кітап оқуға қызығушылығын арттырудың заманауи тәсілдері мен озық тәжірибелерімен бөлісті.
Іс-шараны ҚР Ұлттық академиялық кітапханасының директоры Күміс Сейітова ашып, жас ұрпақтың оқу мәдениетін қалыптастырудағы кітапханалардың рөліне тоқталды.
Жиында балаларды кітап оқуға тартудың заманауи жобалары, цифрлық және интерактивті форматтар, кітапхана кеңістігін тиімді ұйымдастыру, оқырмандық мәдениетті дамыту және ұлттық құндылықтарды дәріптеу мәселелері талқыланды.
Айта кетейік, 2025 жылдан бастап ҚР Ұлттық академиялық кітапханасы Қазақстанның балалар және жасөспірімдер кітапханаларының Әдістемелік орталығы қызметін атқарып келеді. Сонымен қатар Ресей мемлекеттік балалар кітапханасымен бірлесіп Балалар оқуын зерттеу жөніндегі халықаралық зерттеу зертханасы құрылды.
