Кітап фестивалі аясында Серб әдебиеті бұрышы ашылды
11 Qyrkúıek 2026
«KitapTime–2026» V жалпы республикалық кітап фестивалі аясында Қазақстан Республикасы Ұлттық академиялық кітапханасында Серб әдебиеті бұрышы салтанатты түрде ашылды.
Бұл – Қазақстан мен Сербия арасындағы мәдени-әдеби байланысты нығайтып, серб әдебиеті мен мәдениетін қазақстандық оқырманға кеңінен таныстыруға бағытталған маңызды бастама.
Жаңа әдеби кеңістікте серб қаламгерлерінің таңдаулы туындылары, балаларға арналған кітаптар және серб әдебиетінің өзге де басылымдарын қамтитын 120 кітап қойылды.
Алдағы уақытта бұрыштың кітап қоры жаңа басылымдармен толықтырылып, серб әдебиетімен танысуға мүмкіндік беретін тұрақты мәдени-танымдық алаңға айнала бермек.
