«Отбасымен оқимыз» клубы аясында жазушы Жолтай Жұмат –Әлмашұлының «Бір ұяның балапандары» әңгімесін талдау
29 Qańtar 2026
Қазақстан Республикасының Ұлттық академиялық кітапханасында
«Отбасымен оқимыз» клубы аясында белгілі жазушы, драматург, Қазақстан Республикасының еңбек сіңірген қайраткері Жолтай Жұмат –Әлмашұлының «Бір ұяның балапандары» атты әңгімесіне арналған талдау сағаты өтті.
Жолтай Жұмат-Әлмашұлы - «Қаратау қаһары», «Оянған ұрпақ», «Ұмытылған ұрпақ», «Қаратау көкжалы», «Ащы да тәтті өмір» романдарының, сондай-ақ елуге жуық драмалық шығармалардың авторы.
Іс-шара барысында жазушының өмір жолы мен шығармашылық мұрасына шолу жасалып, «Бір ұяның балапандары» әңгімесінің мазмұнына терең талдау жүргізілді. Әңгімеде көтерілген отбасы құндылықтары, бала тәрбиесі сынды тақырыптар жан-жақты қарастырылып, қатысушылар арасында ашық пікір алмасу ұйымдастырылды.
Клуб отырысына жобаның тұрақты қатысушылары – ата-аналар, ұстаздар, оқушылар және кітапхана оқырмандары қатысты.
