2023 жылғы 3 мамырда Қазақстан Республикасының Ұлттық академиялық кітапханасында Әзербайжан халқының Жалпыұлттық көшбасшысы Гейдар Әлиевтің 100 жылдық мерейтойына арналған "Гейдар Әлиев және Түркі әлемі" халықаралық конференциясы өтті. Конференцияны Түркі академиясы, Түркі мәдениеті мен мұрасы қоры бірлесіп ұйымдастырды.

Іс-шараға Түркі академиясының президенті Шаһин Мустафаев, Түркі мәдениеті және мұрасы қорының президенті Гүнай Эфендиева, ТҮРКСОЙ Бас хатшысы Сұлтан Раев, Қазақстан Республикасының Ақпарат және қоғамдық даму министрі Дархан Қыдырәлі, Қазақстан Республикасы Сыртқы істер министрінің орынбасары Қанат Тумыш, Әзербайжан Республикасы Милли Мәжілісінің депутаты Хикмет Бабаоглу, мемлекет және қоғам қайраткері, елші, ТМҰ ақсақалдар кеңесінің бұрыңғы мүшесі Мырзатай Жолдасбеков, Қазақстандағы ТМҰ мүше елдердің дипломатиялық миссияларының басшылары, Қазақстан Республикасының Парламент депутаттары сондай-ақ академиялық орта өкілдері қатысты.

Іс-шара аясында конференция қатысушыларына "Qazaqstan" ұлттық телеарнасы дайындаған Г. Әлиевтің өмірі мен қызметі туралы "Ғазиз ғұмыр"деректі фильмі көрсетілді.

Академия президенті Ш.Мұстафаев   Әзербайжан мемлекеттілігі мен Түркі әлемінің ғасырлар бойғы тарихындағы бірегей тұлға, жаңа тарихтағы тәуелсіз Әзербайжан мемлекетінің дамуына айшықты жол ашқан кемеңгер басшы Г.Әлиев жайлы кеңінен мағлұмат берді.

Қатысушылар мен қонақтар өз баяндамаларында Әзербайжан халқының Жалпыұлттық көшбасшысы түркі әлемінің мәдени және рухани мұрасының тамаша білгірі болғанын, бауырлас елдер арасындағы қарым-қатынасты нығайтуға зор үлес қосқанын тілге тиек етті.

Түркі мәдениеті және мирас қорының президенті Г. Эфендиева Г. Әлиевтің ТҮРКСОЙ және басқа да түркі интеграциялық институттары үшін ынтымақтастық құрылымдар құруға қосқан зор үлесіне тоқталды. Бұдан бөлек  ұлы ақын Мұхаммед Физулидің 500 жылдығын және "Қорқыт ата" кітабының 1300 жылдығын ЮНЕСКО деңгейінде атап өту, түркі әлемі көшбасшыларының саммиттерін ұйымдастыру Г. Әлиевтің есімімен тығыз байланысты екенін алға тартты.

Қазақстан Республикасының Ақпарат және қоғамдық даму министрі Дархан Қыдырәлі Қазақстан мен Әзербайжан терең тарихи-мәдени байланыстарының қарқынды дамуының бастауында Г. Әлиевтің тұрғандығын баяндады.   

Сондай-ақ, ол өз сөзінде көрнекті мемлекет қайраткері Г. Әлиевтің 100 жылдығын атап өту салтанатты түрде басталғанын және жыл бойы көптеген іс-шаралар ұйымдастырылатын атап өтті. Мәдени шаралардың бастамасы ретінде Министрліктің қолдауымен арнайы дайындалған "Ғазиз ғұмыр" атты деректі фильмнің тұсаукесері өткен еді.