Кітапханамызда түрік жазушысы Хакан Менгүчтің қазақ тіліне аударылған «Жолға шық, жол саған көрінеді» және «Әр нәрсе уақыт күтеді» кітаптарының таныстырылымы өтті.

Хакан Менгүч – Түркияға да, дүние жүзіне де жақсы таныс атақты жазушы, композитор және академик. Оның 8 кітабы жарық көрді, олар аз уақыт ішінде 11 түрлі тілге аударылды. Автор сопылық философияға негізделген ілімін жаңа заманға сәтті бейімдеген. Сонымен қатар, ол Гирне Америка университетінің жанынан құрылған Сопылар академиясының әрі академигі, әрі президенті.

Хакан Менгүч автор ретіндегі көрнекті жұмысымен қатар музыкалық және композиторлық шеберлігімен де көзге түседі. Ол атақты пианиношы.

Кітапты қазақ тіліне аударған кәсіби психолог Ләззат Мырзашқызы.